Produtora » Novas de Lugo » 2013

29/05/2013

Un alumno da EIS gaña o premio extraordinario de formación profesional de grao superior da Consellería de Educación

imaxe de Carlos Toledanoimaxe de Carlos Toledano

-Carlos Toledano Muñoz, alumno do módulo de Produción nos cursos 2010-2012, foi un dos 21 mellores expedientes de toda Galicia
-Esta é a segunda vez que un alumno da EIS é galardoado co premio extraordinario de Formación Profesional de grao superior.

O antigo alumno da EIS, Carlos Toledano, foi galardoado pola Consellería de Cultura, Educación e Ordenación Universitaria coma un dos mellores expedientes de FP de grao superior de toda Galicia. Toledano cursou estudos no Ciclo Superior de Produción de Audiovisuais, Radio e Espectáculos na EIS nos anos 2010-2012.

Carlos Toledano recibirá un premio en metálico de 850 euros polos seus bos resultados académicos. O galardón confirma tamén a capacidade de estudo e dedicación dos alumnos que o reciben.

Despois desta fase galega, os galardoados como Toledano pasan á fase nacional onde competirán cos seus expedientes para conseguir outro premio á súa traxectoria académica e unha nova gratificación económica, de maior contía. “Estou moi contento co premio e tamén porque valoren o meu esforzo”, asegura.

Toledano reside actualmente en Belfast, Irlanda, logo de rematar a Bolsa de estudos Leonardo, xestionada pola TIC. Durante 14 semanas traballou realizando vídeos promocionais dos museos do National Museum N.I. Encargouse persoalmente da produción, gravación e montaxe de 4 vídeos de Discovery Rooms no Ulster Museum de Irlanda.

Segundo premio extraordinario da TIC
Non é a primeira vez que un alumno da EIS recibe un premio de FP en recoñecemento ós seus méritos académicos. O pasado ano, o titulado en Realización da TIC, Álvaro Pérez Dios, recibiu este mesmo galardón.


< Volver




Rúa Frei Plácido Rei Lemos s/n / 27004 - Lugo
Teléfono: 982 284 667 / Fax: 982 284 687
info@fundaciontic.org
Fundación  |  Escola de imaxe e son  |  Produtora  |  Film Comission  |  Novas  |  Ligazóns  |  Videos  |  Foro  |  Contacto
Diseño web de Lugonet