Comenza o curso na Escola de Imaxe e Son cubrindo a totalidade de prazas ofertadas en Realización e Produción por 4º ano consecutivo

• archivos/fotos/grandes/1.jpg

  imaxe da presentación do curos onde os alumnos coñeceron as instalacións da escola

  

• archivos/fotos/grandes/3.jpg

  imaxe da presentación do curos onde os alumnos coñeceron as instalacións da escola

  

Comezaron as clases do curso 2012-2013 no único centro da provincia que imparte ensinanzas da rama audiovisual e que mantivo a gratuidade da matrícula por 5º ano consecutivo, agás para os repetidores.

Os alumnos de primeiro visitaron as instalacións do Centro de Produción de Programas onde realizarán a súa formación práctica

A Escola de Imaxe e Son (EIS) da Fundación TIC, entidade dependente da Deputación, cubriu por cuarto ano consecutivo as 44 prazas de Realización e Produción -22 en cada un dos módulos de primeiro- e hai lista de espera nos dous ciclos superiores que se imparten no centro, o único da provincia de ensinanzas da rama audiovisual. A maioría dos matriculados proceden de 2º de BAC e, en menor medida, séguenlle os que pasaron as probas de acceso ou teñen outro ciclo superior.

Este é o quinto curso que o organismo provincial mantivo a gratuidade de matrícula para todos os alumnos, agás os repetidores, co obxectivo de apoiar un ensino público de calidade accesible a todos os interesados e, o mesmo tempo, fomentar a cultura do esforzo.

Visita dos alumnos de primeiro ó CPP
As clases do curso 2012-2013 comezaron o luns, trala presentación dos horarios e profesores. Ademais, os alumnos de primeiro visitaron as instalacións do Centro de Produción de Programas (CPP) onde realizarán parte das prácticas que complementarán a súa formación teórica. Coñeceron o plató, o control de realización, a unidade móbil e os equipos de edición, entre outras dotacións.

Entre os obxectivos prioritarios da Fundación está o de facilitar a inserción laboral dos alumnos da Escola. Na actualidade a TIC mantén convenio con máis de 70 empresas nacionais do sector multimedia e ten asinados máis de 100 convenios de colaboración con ONGs, asociacións culturais e entidades deportivas para difundir o seu labor mediante a realización de proxectos audiovisuais. Esta liña de colaboración permite que os alumnos e titulados da EIS leven a cabo traballos profesionais a través dun programa de bolsas

Volver