Produtora » Novas da Fundación TIC

25/04/2016

A TIC colabora na celebración da V Semana da Danza de Lugo que este ano homenaxea a Cervantes


-A TIC axuda, un ano máis, á difusión desta iniciativa cultural que conmemora en Lugo o Día Internacional da Danza

-Bolseiros e profesionais da TIC gravarán os espectáculos programados polo Conservatorio Profesional de Danza

-A Semana da Danza terá lugar do 25 ao 30 de abril en distintos escenarios da cidade de Lugo e con actividades para todos os públicos

A Fundación TIC apoia, un ano máis, a celebración da Semana da Danza de Lugo que organiza o Conservatorio Profesional de Danza coa colaboración do Concello de Lugo.

Por quinto ano consecutivo, a Fundación TIC coopera nesta iniciativa, que se desenvolverá na cidade de Lugo para conmemorar o Día Internacional da Danza e co obxectivo de achegar esta expresión cultural a todos os públicos.

A colaboración da Fundación TIC coa V Semana da Danza de Lugo consistirá en dar apoio á difusión deste evento cultural e, para isto, bolseiros e profesionais da Fundación faranse cargo da gravación íntegra dos distintos espectáculos que se van poñer en escena no Auditorio Gustavo Freire.

A programación da V Semana da Danza de Lugo, na que se renderá homenaxe a Miguel de Cervantes con motivo do 400 aniversario do seu pasamento, desenvolverase dende o luns 25 ata o sábado 30 de abril. As actividades que compoñen o programa diríxense a públicos de todas as idades e celebraranse en distintos escenarios, tanto na rúa como o Auditorio Gustavo Freire e mesmo no HULA.


Aposta pola cultura e apoio ás asociación

Co seu apoio á V Semana da Danza de Lugo, a Fundación TIC mantén o seu compromiso de dar apoio ás distintas iniciativas que leva a cabo o tecido social da provincia ao mesmo tempo que renova a súa aposta pola cultura nas súas distintas manifestacións.


< Volver




Rúa Frei Plácido Rei Lemos s/n / 27004 - Lugo
Teléfono: 982 284 667 / Fax: 982 284 687
info@fundaciontic.org
Fundación  |  Escola de imaxe e son  |  Produtora  |  Film Comission  |  Novas  |  Ligazóns  |  Videos  |  Foro  |  Contacto
Diseño web de Lugonet